752.
Post gratiarum dictionem, abiverunt domum; et ibi dixit illis angelus. "Est hodie tertius dies ab ascensu vestro in hujus caeli societatem, et in tres dies praeparati estis a Domino ad manendum hic;
quare tempus est ut separemur: exuite itaque vestes missas a principe, ac induite vestras." Et cum in his erant, inspirabantur desiderio secedendi, et secesserunt, et descenderunt, angelo comitante illos
usque ad locum conventus; et ibi Domino gratias egerunt, quod dignatus sit illos beare scientia et inde intelligentia de Gaudiis caelestibus et de Felicitate aeterna.
This page was taken from HeavenlyDoctrines.org
© 2000-2001 The Academy of the New Church